ABŞ-ın Rusiya əleyhinə sanksiyaları qəbul etməsindən sonra Rusiya höküməti də qarşılıq verməyə hazırlaşır.
"Qaynarinfo" "Reuters"ə istinadən xəbər verir ki, Rusiya sentyabrın 1-dən etibarən ölkədəki ABŞ-lı diplomatların sayını azaldaraq 455-ə endirəcək. Bu barədə rəsmi Vaşinqtona xəbərdarlıq edilib. Bundan əlavə, diplomatların bəzi mülklərdən istifadəsinə də məhdudiyyətlər tətbiq ediləcək.
Qeyd edək ki, Barak Obama dövründə 35 rusiyalı diplomat ABŞ-dan xaric edilmiş, lakin rəsmi Moskva buna heç bir reaksiya verməmişdi.
Hazırkı ABŞ prezidenti Donald Trampın etirazına baxmayaraq, Rusiya əleyhinə qanunlar ABŞ senatı tərəfindən qəbul edilib.
Gülşən, qaynarinfo
