Bayram Məmmədov müəssisə rəhbərliyinin pis münasibətinin
nəticəsində ağır xəstədir.
Meydan TV-nin verdiyi xəbərə istinadən, hazırda Bayram Məmmədov müəssisə rəhbərliyinin
pis münasibətinin nəticəsində ağır xəstədir. O, aprelin 24-də ağır qızdırmalı xəstə
olduğunu dəstə rəhbərinə və başqa nəzarətçilərə desə də, buna heç bir reaksiya
verilməyib.
Vəkili ilə görüşdə Bayram Məmmədov deyib ki, cəzaçəkmə müəssisəsi rəhbərliyinin
ona münasibəti olduqca pisdir. Ona deyilib ki, ulu öndərin heykəlinə qarşı hörmətsizlik
etdiyinə görə, burada sənə daim əziyyət verəcəyik. Bayram Məmmədov CÇM-ə yerləşirildiyi
gündən ona yatmaq üçün tualetin yanından və daim soyuq havanın oynadığı yerdən
veriblər ki, bu da onun dərhal xəstələnməsinə gətirib çıxarıb. Gənc fəal müəssisəsinin
rəhbərliyinə dəfələrlə müraciət etsə də, onlar buna heç bir əhəmiyyət verməyiblər.
Müvafiq müalicəsiz və dərmansız qalan Bayram Məmmədova deyiblər ki, biz sənə
ancaq "Çitramon" və "Aspirin" adlı dərmanlar verə bilərik.
İlkin Rüstəmzadə Bayram Məmmədovun xəstə olduğuna görə, sıra baxşınıa çıxa bilməyəcəyini
müəssisə rəhbərliyinə çatdırsa da, Bayramı xəstə vəziyyətdə gəzinti yerinə
aparıb əllərini arxadan qandalla bağlayıblar. Bundan sonra onu orada 5-6 saat
gözlədiblər. Daha sonra müəssisə əməkdaşları gənc fəalı işləməyə məcbur ediblər.
O bildirib ki, bura cəzaçəkmə müəssisəsidir, islah əmək koloniyası deyil, əgər
məcburi əməyə cəlb edilirsə, yazılı qərar verilsin ona. Bu sözündən sonra da
paltarlarını məcburi soyundurub, onu "karsın" (cərimə kamerası)
darısqal, üstü açıq, dörd divardan ibarət gəzinti yerinə salıblar və saatlarla
orada saxlayıblar.
Bayram Məmmədov bildirir ki, bu qanunsuz hərəkətlər onun fiziki məhv edilməsinə
yönəlib.
Bayram Məmmədovla Qiyas İbrahimov ötən il mayın 10-da həbs olunublar. Onlar Gül
bayramı günü Heydər Əliyevin heykəlinə "Qul bayramı” yazıldıqdan sonra saxlanılıblar.
Rüzgar Mövsüm
Ulu Yol Xəbər portalı » Sosial » Hökümət “Heykəl məhbusu” Bayram Məmmədovu fiziki olaraq məhv etmək üçün təzyiqləri artırıb
Xəbər lentİ
Yazarlar
Müstəmləkə cinayətlərinə rəğmən müstəqillik əzmini itirməyən Əlcəzair - TƏHLİL
/
1-11-2022, 21:12
/