Cəlilabadda yerli məmurlar tərəfindən şərlənərək həbs olunmuş jurnalist, AZEL.TV saytının rəhbəri Əfqan Sadıqov həbsxanadan müraciət göndərib.
Müraciətdə deyilir:
"Bizim sözümüzün heç vaxt sonu olmayacaq. Bu son deyil, başlanğıcdır. Sözümüz
mübarizəmiz indi, hələ yeni başlayır.
Hamı bilir ki, indi polis, prokurorluq, məhkəmə şərə xidmət edir, sifarişlə işləyir.
Biz həmişə, hər addımbaşında haqları əllərindən alınan, hüquqları tapdanan
insanlarımızın yanında olacayıq, ölümdən, həbsdən çəkinmədən əzilən vətəndaşlarımızın
yanında olacayıq.
Heç bir zaman cinayətkar, saxtakar, quldur, qatil, insanlara torba tikən,
Allahsız, qaniçən məmurlarla barışmayacağıq, onların bu əməllərinə göz
yummayacağıq. Onlar unudurlar ki, kişilik, ləyaqət, insanlıq nə əllərində tutduqları
möhürdə, nə də qanunsuz və haram yolla qazandıqları o pullardadır.
SORUŞSANIZ Kİ, PEŞMANAM???
Peşmanam, ona görə ki, gərək daha əvvəllər bu mübarizəyə başlayıb, məmurları
daha kəskin tənqid edəydim.
Bütün dostlarıma məni müdafiə edən insanlara salamımı və təşəkkürümü göndərirəm..
Hər zaman həqiqət tərəfdarı olan, mərd, mübariz insana, vəkilim Elçin Sadıqov və
Hüquq müdafiəçisi Oktay Gülalılyevə təşəkkür edirəm!
Həmişə öz yazısı, nəfəsilə Cəlilabad məmurlarını vəlvələyə salan CƏLİLABADIMIZ
səhifəsinə və onun admini, dostuma, qardaşıma, P.S.NOTA Sərdar Əlibəyli qardaşıma, AZADLIQ Radiosuna, MEYDAN-TV kollektevinə, KRİMİNAL.AZ və REPORTYOR.ORG saytlarına, KANAL-13-ə, "Azərbaycan saatı”-na-Qənimət Zahidə təşəkkür edirəm!
Dostlarım, məni dəstəkləyən insanlar, adlarını yaza bilmədiklərim, dəstəyiniz
üçün bir daha təsəkkür edirəm!”
Uluyol.info