İranın Xuzistan ostanının Əhvaz şəhərində Hələbdə baş verən qətliamlara etiraz aksiyası keçirilib.
Uluyol.info Qaynafinfo.Az saytına istinadən məlumat verir ki, aksiya Əl-Qadir stadionunda keçirilən futbol müsabiqəsi zamanı baş tutub. Əhvazlı azarkeşlər "Hələb yox olur”, "Ey Hələb, hamımız səninləyik”, "Əsəd, Suriyadan rədd ol” şüarları səsləndiriblər.
İran dövlət televiziyası isə "Traktor Sazi”- "Sepahan” matçının canlı yayımını kəsib. Buna səbəb təbrizli azarkeşlərin Türkiyə lehinə səsləndirdiyi şüarlar olub.
