REAL hərəkatının İdarə Heyətinin üzvü Azər Qasımlının Arqument.Az-a verdiyi məlumata görə, bu gün REAL hərəkatının iki üzvü- Toğrul İsmayıl və Elşən Qasımovun Apelyasiya şikayəti üzrə məhkəmə prosesi keçirilib.
Hər iki gəncin şikayəti təmin olunmayıb.
Bundan sonra hər iki şəxsin şikayəti Avropa İnsan Hüquqları Məhkəməsinə göndəriləcək.
Toğrul İsmayıl və Elşən Qasımov avqustun 16-da İnzibati Xətalar Məcəlləsinin 535.1-ci maddəsi (polisə tabe olmama) ilə ittiham olunaraq Səbael rayon məhkəməsinin qərarı ilə 7 sutka azadlıqdan məhrum edilmişdi.