Bu gün Müsavatın Məclis üzvü və "Basta” xəbər saytının redaktoru Mustafa Hacıbəyli polisə çağırılıb.
Bu haqda məlumat verən M.Hacıbəyli bildirib ki, o, Müsavat başqanının müavini Elman Fəttahla birgə Binəqədi polis idarəsinin 5-ci bölməsinə gedib.
Gözlənildiyi kimi, çağırış Mustafa Hacıbəylinin internetdəki fəaliyyəti ilə bağlı olub: "Konkret olaraq devalvasiya etiraz çağırışının dövlətçiliyə qarşı olduğunu dedilər. Hakimiyyətin daxili və xarici siyasətini təriflədilər və mənə xəbərdarlıq etdilər”.
