Fransada keçirilən futbol üzrə Avropa çempionatında "F" qrupunun ilk oyunu keçirilib.
Macarıstan və Avstriya milli yığmaları arasında keçirilən görüşdən macarlar qələbə ilə ayrılıblar 2-0.
Macarıstan millisi hər iki qolu ikinci hissədə vurub. İlk olaraq 63-cü dəqiqədə Adam Szalai, ardınca isə 87-ci dəqiqədə Zoltan Stieber fərqlənib.
Qeyd edək ki, oyunu fransız Kement Türpen idarə edib.
Hər iki millinin yer aldığı "F” qrupunda növbəti oyun Bakı vaxtı ilə 23:00-da Portuqaliya və İslandiya yığmaları arasında keçiriləcək.