Tunisin güc strukturları İraq-Şam İslam Dövləti (İŞİD) terror qruplaşmasının qadın batalyonunun fəaliyyətinin qarşısını alıb.
Modern.az-ın xarici mediaya istinadən verdiyi xəbərə görə, bu batalyonun fəalları gənc yerli sakinləri terrorçu kimi qruplaşmaya cəlb ediblər.
İŞİD-in qadın batalyonunun fəallarının saxlanılması üçün əməliyyat martın 30-da axşam saatlarında Sidi-Bu-Zid regionunda keçirilib. Regional İstintaq Deparamentinin rəisi deyib ki, əməliyyatda milli qvardiyanın döyüşçüləri iştirak ediblər.
Saxlanılan qızların 22-25 yaş arasında olduqları bildirilir. Onlar fəaliyyətə başlamazdan əvvəl İŞİD-ə sədaqət andı içiblər. Onlar İŞİD-ə tərəfdar toplamaqla yanaşı, terrorçuların ideologiyasını da təbliğ ediblər..
