Türkmənlərə kosmosdan təbrik gəldi...- Milyonların izlədiyi VİDEO
Türkmənistanda yaşayan rus kosmonavt, Beynəlxalq Kosmos Stansiyasına rəhbərlik edən Oleq Kononenko prezident Qurbanqulu Berdıməhəmmədov və Türkmənistan xalqını təbrik edib.Uluyol.az teleqraf.com-a istinadla xəbər verir ki, türkmənlərə kosmik stansiyadan təbrik göndərən Oleq Kononenko Türkmənistan bayrağını və prezidentin "Türkmənistan – İpək Yolunun qəlbi” kitabını nümayiş etdirib.
Kononenko qeyd edib ki, onun doğulduğu və yaşadığı ölkəyə xüsusi duyğuları var.
Qeyd edək ki, Rusiya qəhrəmanı adını almış Oleq Kononenko 1964-cü ildə Türkmənistanın Türkmənabad şəhərində doğulub. 2009-cu ildə Türkmənistan prezidentinin fərmanı ilə "Prezidentin ulduzu” ordeni ilə təltif edilib.
2015-ci ildə Türkmənistanın ilk kosmik kommunikasiya peyki "TürkmenAlem” ("Türkmən kainatı”) fəaliyyətə başlayıb.
Peyk Fransanın "Thales Alenia Space” şirkəti tərəfindən hazırlanıb və "Cape Canaveral” (ABŞ) kosmodromundan ABŞ-ın "SpaceX” şirkəti tərəfindən geostasionar orbitə çıxarılıb.
Kosmonavtın Yeni il təbriki ilə bağlı video-görüntüsünü təqdim edirik:
