İlqar Rəsul APA.TV-dən getdi...
Bu gün tanınmış jurnalist – publisist İlqar Rəsulun 2013-cü ildən çalışdığı APA TV-dən işdən çıxması ilə bağlı xəbər yayılıb.
Qaziler.az saytı məsələ ilə bağlı İlqar Rəsulla əlaqə saxlayıb. O,
APA.TV-dən getməsi xəbərini təsdiq edib: "Bəli, artıq APA.TV lə yollarımız
ayrılıb. Heç bir iş tapmadan iş yerimdən ayrılmışam. Hələlik heç kimlə işlə
bağlı danışmamışam”.
Xatırladaq ki, İlqar Rəsul M.Ə. Rəsulzadə adına Bakı Dövlət Universitetini
Jurnalistika fakültəsində təhsil alıb. Universiteti fərqlənmə diplomu ilə
bitirib. 2000-ci ildə həmin fakültənin magistratura pilləsini bitirib. Ölkənin
bir neçə tanınmış mətbuat orqanında müxtəlif vəzifələrdə çalışıb.
2004-2012-ci illərdə Azadlıq Radiosunun (ABŞ) Azərbaycanda parlament və
Prezident Adminstrasiyası üzrə xüsusi müxbiri olub.
2013-cü ildən APA Holdinqin tərkibində fəaliyyət göstərən APA TV-nin baş
direktorunun müşaviri vəzifəsində çalışıb. Televiziyada bir çox maraqlı layihələrə
imza atıb.
Ailəlidir, 1 övladı var.
