Müsavat Partiyasının yaradılmasından 106 il ötdü: Arif
Hacılının təbriki
Əsası 1911- il oktyabr ayının 11-də qoyulmuş Müsavat Partiyasının 106 yaşı tamam olur. Müsavat Partiyasının başqanı Arif Hacılı bü münasibətlə müsavatçıları və Azərbaycan xalqını təbrik edib.
"Həmin dövrdə İstanbulda mühacirətdə olan Məhəmməd Əmin Rəsulzadənin
rəhbəliyi ilə əmisi oğlu Məhəmməd Əli, Abbasqulu Kazımzadə və Tağı Nağıoğlu tərəfindən
təsis olunan Müsavat Firqəsi ilk dövrlərdə gizli fəaliyyət göstərirdi. Məhəmmədəmin
bəy Bakıya qayıtdıqdan, xüsusilə 1917- ci il fevral inqilabından sonra Müsavat
nəinki Azərbaycanda, hətta bütün Qafqazda ən güclü siyasitəşkilata çevrildi”, – Arif hacılı özünün feysbuk səhifəsində
yazıb.
Arif Hacılı qeyd edib ki, Azərbaycanın istiqlalı, 1918-20-ci illərdə mövcud olmuş Azərbaycan Xalq Cümhuriyyətimiz Müsavatın adı ilə bağlıdır: "Xalqımızın istiqlal və azadlıq arzusunun ifadəçisi, simvolu olan Müsavat, mövcud olduğu 106 il ərzində bu arzunun həyata keçməsi uğrunda fasiləsiz mübarizə aparır. Müsavatçılıq müstəqil, azad, firavan Azərbaycanın qurulması yolunda sinaqlardan çıxmış bir bələdçidir.Müsavat Partiyasının ildönümü münasibəti ilə partiya üzvlərini, bütün müsavatçıları və Azərbaycan xalqını təbrik edirəm”.