Turan agentliyinin direktoru Mehman Әliyev Yasamal Rayon Polis İdarəsinə gətirilib.
"Basta” xəbər verir ki,Turan agentliyinin direktoru Mehman Əliyev 231.1 (vergi ödənişindən yayınma) və 308.1-ci (vəzifə səlahiyyətlərindən sui-istifadə) maddələr üzrə şübhəli şəxs kimi saxlanılıb. O, Vergilər Nazirliyinin İstintaq İdarəsindən Yasamal rayon polis idarəsinə aparılıb və hazırda oradadır. Ona dövlət vəkili təklif ediblər. Amma Əliyev imtina edib və vəkilinin Fuad Ağayev olduğunu bildirib.
48 saat ərzində o, qətimkan tədbiri seçilməsi üçün məhkəmə qarşısına çıxarılacaqdı.
Saat 17:45-də Mehman Əliyev özü şəhər telefonu ilə agentlikdəki həmkarlarına zəng edib və hələ də Vergilər Nazirliyində olduğunu, amma heç nə baş vermədiyini bildirib. "Onlar oturub nə isə gözləyirlər”, deyən Mehman Əliyev əlavə edib ki, vəkil Fuad Ağayev də onun yanındadır.
Öz növbəsində, bu işi aparan müstəntiqlər şərh verməkdən imtina ediblər, "tezliklə hər şeyin məlum olacağını” bildiriblər.
Qeyd edək ki, dünən Mehman Əliyev və agentliyin mühasibi Ramil Əliyev Vergilər Nazirliyində 8 saat ərzində dindiriliblər.