Baş həkim Hüseynağa Həsənovun işçilərindən aylıq pul istəməsi tərəflər arasında narazılıq yaradıb.
Salyan Mərkəzi Xəstəxanasının baş həkimi Hüseynağa Həsənovla işçiləri arasında narazılıq baş qaldırıb. Bu barədə Demokratiya.info-ya elə işçilər məlumat veriblər. Onların bildirdiyinə görə, hal hazırda Həsənovla işçilər arasında yaşanan qalmaqala səbəb onlardan aylıq pulun tələb olunmasıdır. Və bu rəqəmin 50 manatdan başlayıb, 1000 manatda dayandığı deyilir.
Bildirilir ki, Hüseynağa Həsənov, həm də bir qədər öz komfortunu düşünən baş həkimlərdəndir. Deyilənlərə görə, evi Şirvan şəhərində olan baş həkim hər gün evinə gedir. Və bu zaman Mərkəzi Xəstəxananın ambulansından yararlanır. Vurğulanır ki, Salyanın baş həkimi bu zaman dövlətin yanacağından istifadə edir, habelə dövlət əmlakını özünün şəxsi məqsədləri üçün çalışdırır.
Demokratiya.info-ya verilən məlumata görə, Hüseynağa Həsənovun bir sıra qaranlıq işləri daha var. Və onların haqqında geniş araşdırmamızı oxuya biləcəksiniz.
Qarşı tərəfində mövqeyin dərc etməyə hazırıq.
