Bu gün-26 iyul Xüsusi Təyinatlı Qüvvələrin giziri şəhid Səfərov Elimdar Səlimxan oğlunun doğum günüdür.
Səfərov Elimdar Səlimxan oğlu 1992-ci il iyulun 26-sı Yardımlı rayonunda dünyaya göz açıb. 1993-cü ildə ailəsi ilə birlikdə Neftçala rayonuna gəlib, və Aşağı Qaramanlı kəndində məskunlaşmışlar. Neftçala rayonu Sakit Kərimov adına Qədimkənd kənd orta məktəbinə 1998-ci ildə birinci sinifə getmiş və həmin məktəbi 2009-cü ildə bitirmişdir. Hərbi xidmətə yollanan Səfərov Elimdar xidməti başa vurduqdan sonra yenidən Ordu sıralarına qatılmışdır.
Xüsusi Təyinatlı Qüvvələrin giziri kimi mühum strateji obyektlərin, yüksəkliklərin araşdırılması, düşmən tərəfində olan silah -sürsat, əsgər sayı və hərbi sirr kimi gizlədilən düşmən ordusunun məlumatlarını çox peşakarlıqla öyrənmişdir. Xidməti zamanı xeyli fərqlənmə nişanları, təbrik məktubları almışdır.
Düşmən tərəfinin aprelin 1-i gecə ordumuzun mövqelərin atəşə tutduğu zaman məhz Səfərov Elimdarın daxil olduğu kəşfiyyat bölüyümüz düşmənin içərilərinə girməyi bacarmış, və bu gün strateji əhəmiyyəti olan yüksəkliklərin alınmasında birbaşa iştirak etmişdir.Döyüş zamanı bir yerdə olduqları hərbiçi dostları Elimdarın döyüş qabiliyyətlərindən, verilən tapşırığı vaxtında yerinə yetirməsini xüsusilə vurğulamışlar.
P.S. Yaxın saatlarda şəhid Elimdar Səfərovun döyüş yoldaşından aldığımız müsahibə və şəhidimizin xatirəsinə tikilmiş Şəhidlər Parkının son tamamlanma işləri haqqında yazılarımız yayımlanacaq.
XATIRLATMA: 29 iyul 2017-ci il saat 16:00-da Neftçala rayonu Aşağı Qaramanlı kəndində Xüsusi Təyinatlı Qüvvələrinin giziri şəhid Elimdar Səfərovun xatirəsinə tikilmiş parkın AÇILIŞIDIR.
Saday Fərəcov, uluyol.info
