ABŞ Prezidenti Donald Tramp tərəfindən Tviterdə əngəllənən bir qrup istifadəçi və Kolumbiya Universitetinin rəsmiləri ictimai yerlərdə ifadə azadlığı barəsində Konstitusiya tələblərinə zidd hərəkət etməsi səbəbi ilə prezidenti və köməkçilərini məhkəməyə veriblər.
Axar.az-ın məlumatına görə, prezidenti məhkəməyə verənlər "Birinci Konstitusiya dəyişikliyi”nə zidd addımlar atıldığını deyiblər. Onlar həmçinin Ağ Ev sözçüsü Şon Spayser və Ağ Evin sosial media direktoru Dan Skavinodan da şikayətçi olduqlarını bildiriblər.
ABŞ Konstitusiyasına edilmiş birinci dəyişikliyə görə, Tviter ictimai yer sayılır. Prezidenti məhkəməyə verənlər ictimai yerdə hər hansı informasiyanı bütün vətəndaşların almaq hüququ olduğunu və paylaşımları birbaşa görmək haqqının əllərindən alındığını bildiriblər.
