"Mənim üçün Qarabağ dərin və qanayan yaradır. Bu əzabdır. İlk döyüşlər vaxtı mən Qarabağa gəlmişdim, orada dostlarımı itirdim, parçalanmış bədənlər və gözyaşı gördüm. Son 25 ildə Azərbaycanda baş verənlər Qiyamət günüdür. Bu mənə ağrı verir və yaralayır”, - bunu virtualaz.org-un əməkdaşı ilə söhbətində erməni hərbçilərinin Füzuli rayonundakı dinc əhalinin yaşadığı kəndi atəşə tutmasına münasibət bildirən məşhur rusiyalı yazıçı Aleksandr Proxanov deyib.
"Bu günlərdə öyrəndim ki, ermənilər Azərbaycanın yaşayış məntəqələrini atəşə tutub. Qadın və uşaq həlak olub. Böyük sarsıntı keçirdim. Bu vəhşilikdir, vəhşicəsinə qətldir. Mən bütün sevgimlə sizinləyəm. İstəyirəm ki, avtomat və topların lüləsində qərənfillər və çiçəklər olsun və onlar sizin torpağınıza sülh gətirsin”.