Neftçala rayonu, Ballıcalı kəndi ərazisində sərnişin avtobusu yanıb. Hadisə bu gün günorta baş verib
Hadisə şahidləri virtualaz.org saytının Şirvan bürosuna bildiriblər ki, Neftçala rayonundakı sərnişindaşıma müəssisəsinə məxsus PAZ markalı 47 AC 327 dövlət nömrə nişanlı avtobus 30 nəfərə yaxın sərnişini Salyan rayonuna gətirirmiş. Avtobus hərəkətdə olarkən qəfildən mühərrik hissəsində alovlanma baş verib. Sərnişinlər vaxtında avtobusu tərk edə biliblər. Buna görə də hadisə nəticəsində xəsarət alan olmayıb. Faktla bağlı araşdırmalara başlanılıb.