Şirkət manipulyasiyaya yol verdiyi üçün 2.42 milyard avro ödəyəcək

Google şirkəti internet alış-verişində rəqabət qaydalarını pozduğu üçün Avropa Birliyi tərəfindən 2.42 milyar avro məbləğində pul cəzasına məruz qalıb.

Musavat.com Türkiyə mətbuatına istinadən xəbər verir ki, Avropa Komissiyasının Google-a verdiyi rekord cəzanın səbəbi isə hamıya bəlli olan məqamla bağlıdır. Belə ki, Google-ın axtarış nəticələri yeni Google alış-veriş servisləri çərçivəsində öz xeyrinə manipulyasiya edir və beləcə şirkət bazar hakimiyyətindən pis məqsədlər üçün istifadə edir.

Sözügedən səbəb Google tərəfindən rədd edilib. Avropa Komissiyası isə hələ detallı bir açıqlama verməyib. Google şirkətinə axtarış nəticələri ilə bağlı sözügedən manipulyasiyanı dayandırması üçün 90 gün vaxt verildi. Əks təqdirdə axtarış saytının bağlı olduğu Alphabet'in dünya miqyasındakı günlük gəlirinin 5 faizi qədər əlavə cəzalarla üzləşəcəyi qeyd edilib.

Sevinc, musavat.com