Bu gün Azərbaycan milli azadlıq hərəkatının lideri, sabiq prezident Əbülfəz Elçibəyin doğum günündür.
Əbülfəz Elçibəy 1938-ci il iyunun 24-də Ordubad rayonunun Kələki kəndində anadan olub.
1957-ci ildə Azərbaycan Dövlət Universitetinin şərqşünaslıq fakültəsini bitirib. 1988-ci ildə Azərbaycanda başlayan xalq hərəkatının öndərlərindən biri, Azərbaycan Xalq Cəbhəsini yaradanlardan olub.
1992-ci ildə prezident seçilən Əbülfəz Elçibəy bir il sonra Gəncədə başlayan qiyam nəticəsində Bakını tərk edərək Kələkiyə gedib. Milli Məclisin qərarı ilə səlahiyyətləri ləğv edilən Əbülfəz Elçibəy fəaliyyətini Azərbaycan Xalq Cəbhəsi Partiyasının sədri kimi davam etdirib. Uzun sürən ağır xəstəlikdən sonra 2000-ci ilin avqustun 22-də Türkiyənin Gülhanə Hərbi Tibbi Akademiyasında dünyasını dəyişən Əbülfəz Elçibəyin nəşi Bakıya gətirilərək Fəxri Xiyabanda dəfn edilib.
Qeyd edək ki, hər il Kələkidə iyunun 24-ü bayram kimi qeyd edilir. Bu il Əbülfəz Elçibəyin doğum günü Ramazan ayına təsadüf etdiyindən bu münasibətlə Kələki kənd məscidində iftar süfrəsi açılacaq.
Əbülfəz Elçibəyin qızı Çilənay Səmədbəyli hazırda Bakıdadır. Ailə saat 11:00-da mərhumun məzarını ziyarət edəcək.
Əbülfəz Elçbiyəyin Bakıdakı evindən çəkilmiş xüsusi fotoları təqdim edir:(teleqraf.com)