İyunun 21-də "Borçalı” İctimai Cəmiyyətinin və "Piral” İSM-in təşkilatçılığı ilə 2012-ci ildə dünyasını dəyişmiş tanınmış vəkil İsaxan Aşurovun xatirəsinə həsr olunmuş yeniyetmələr arasında cüdo turniri keçirilib.
Uluyol.info xəbər verir ki, turniri giriş sözü ilə respublikanın əməkdar məşqçisi, "Şöhrət” ordenli Şahlar Mustafayev açaraq turnrin əhəmiyyəti haqda danışıb."Borçalı” Cəmiyyətinin sədri Zəlimxan Məmmədli İsaxan Aşurov şəxsiyyəti haqda iştirakçılara geniş məlumat verib. O, gəncləri İsaxan Aşurov kimi vətənə, millətə sadiq olmağa səsləyib və yarış iştirakçılarına uğurlar diləyib.
Respublikanın əməkdar məşqçisi Mirağa Qiyasov təşkilati dəstəyinə görə Azərbaycan Sambo Federasiyasının sabiq prezidenti Zəlimxan Məmmədli başda olmaqla "Borçalı” Cəmiyyətinə təşəkkürünü ifadə edib, bu cür tədbirlərin keçirilməsinin önəmini vurğulayıb.
Sonra müvafiq çəki dərəcələri üzrə yeniyetmələrin cüdo turniri başlayıb. Turnir "Borçalı” Cəmiyyəti tərəfindən iştirakçıların mükafatlandırılması ilə sona çatıb.
Qalibləri mükafatlandırma mərasimində "Borçalı” Cəmiyyəti İH-nin üzvləri Ramiz Həsənov, Nazim Musayev , fəallardan Rüfət Muradlı, Süleyman Səmədoğlu, Mustafa Vəliyev iştirak ediblər.