Qırğızıstan prezidenti Almazbek Atambayev Rusiya prezidenti Vladimir Putinlə görüş zamanı bəyan edib ki, onun ölkəsi üçün sabitlik gərəkdir: "Siyasi oyunlarla yox, daha çox iqtisadiyyatla məşğul olmaq lazımdır".
RİA Novosti xəbər verir ki, bu payız dövlət başçısı postunu tərk edəcək Atambayevin Moskvaya səfəri iki ölkə arasında diplomatik münasibətlərin yaranmasının 25 illiyi ilə əlaqədar olub və Putinin dəvəti ilə baş tutub.
Atambayev Rusiya ilə münasibətlərdən danışarkən vurğulayıb ki, hakimiyyətdə olduğu dövrdə Qırğızıstana nəhəng və mənəvi baxımdan əsl qardaş dəstəyi göstərilib: "Təbii ki, bu bizə müəyyən çətinlikləri, problemləri həll etməyə imkan verdi. Dəvətə görə sizə təşəkkür edirəm”.