"Çox danışmaq istəmirəm.
Futbolda belə hadisələr olur. Bir komanda oynayır, digəri qalib gəlir”.
Musavat.com xəbər verir ki,bu sözləri
millimizin baş məşqçisi Robert Prosineçki DÇ-2018-in seçmə mərhələsində Şimali
İrlandiya ilə keçirilən oyundan (0:1) sonra təşkil olunan mətbuat konfransında
deyib.
- Belə bir oyundansonra futbolçuları digər
matçlarakökləmək sizin üçün çətin olmayacaq ki?
- İndi futbolçular dincəlməyə gedir. Daha sonra "Qarabağ” və "Qəbələ”
avrokuboklarda çıxış edəcək. Komandam bu gün az səhvə yol verdi. Demək olar ki,
70 faiz top bizdə oldu. Bir neçə yüzfaizli qol imkanımız oldu. İstifadə edə
bilmədik. Namiq Ələsgərova qarşı rəqib kobudluq etdi. Hakim bunu görmədi.
- Millimizin oyun sistemi "Qarabağ”a bənzəyirdi.
Növbəti oyunlarda da belə olacaq?
- Mən bura gələndən bəri biz eyni sistemlə oynayırıq. Xüsusi bir dəyişiklik
yoxdur.
- Bu gün 10 nəfər vuruşurdu, Kamran Ağayev vaxt
"udurdu”. Bu fikirlə razısınız?
- Yadınızdadırsa, 70-ci dəqiqədən sonra bizim 2 qol şansızmız oldu.
- 63-cü dəqiqədə komandamız künc zərbəsi
qazansa da, Bədavi, Rəşad kimi oyunçular arxada qaldılar. Sizin sürpriziniz bu
idi?
- Onu deyə bilərəm ki, bu gün meydanda güclü Azərbaycan millisi var idi. Rəqib
10 nəfərlə müdafiə olunurdu. Belə komandaya qarşı oyunda 4 qol imkanı yaratdıq.
Əgər bunların 2-ni qola çevirsəydik, Azərbaycanın ən yaxşı oyunu olardı. Norveçə
qarşı belə oynaya bilmədik.
- Türkiyə mətbuatına inansaq, sabah
"Bursaspor”la danışıqlara gedəcəksiniz.
- Daha öncə də demişdim. Bu suala cavab vermək istəmirəm.
- Bilmək istəyirik ki, dekabra qədər millimizdə
qalacaqsınız?
- Getməyimi istəyirsinizsə, gedərəm.
- Stadiona 30 min azarkeş gəlmişdi. Onlara
sözünüz varmı?
- Hər bir azarkeşin öz fikri var. Dəstəyə görə azarkeşlərimizə minnətdarlıq
edirəm. Bu gün meydana çıxan futbolçularım canla-başla vuruşdular.
Bacardıqlarını, əllərindən gələni etdilər. Bəli, futbolda nəticə çox vacibdir,
amma alınmadı. Futbolçularım bu gün əllərindən gələni etdilər.
- Riçard Almeydanın oyunu haqda nə deyə bilərsiniz?
Milliyə uyğunlaşa bilib?
- Almeyda artıq 6 ildir Azərbaycandadır. Oyunçuların əksəriyyətinə çempionatdan
bələddir. Maksimi, Qaranı, Rəşadı, Bədavini, Namiqi, Əfranı tanıyır. Uyğunlaşma
prosesində çətinliyi yoxdur. Deyə bilərəm ki, Riçardın simasında axtardığım
futbolçunu tapmışam. Həm topla, həm də topsuz çox hərəkət edir. Məncə, o son
illərdə Azərbaycanda çıxış edən ən yaxşı legionerlərdən biridir. Onun məşq
prosesindəki işinə baxanda fikirləşirsən ki, cənubi amerikalı yox, avropalıdır.
Bəzən məşqdəki canfəşanlığını görəndə onun braziliyalı olduğunu unuduram.
Məhəmməd Türkmən, musavat.com