"ABŞ Dağlıq Qarabağ münaqişəsinin dinc yolla nizamlanması prinsipinə sadiqdir”.

APA-nın xəbərinə görə, bu barədə ABŞ dövlət katibi Reks Tillersonun Azərbaycanın 28 May-Respublika Günü münasibəti ilə təbrik bəyanatında bildirilir.

Bəyanatda deyilir: "Mən, Amerika xalqı adından Respublika Gününün ildönümü münasibətilə Azərbaycan xalqına səmimi təbriklərimi çatdırıram.

Amerika Birləşmiş Ştatları və Azərbaycan güclü tərəfdaşdırlar, uzun illərdir ki, enerji və təhlükəsizlik məsələləri üzrə əməkdaşlıq edir, eləcə də demokratik prinsiplər əsasında dialoq qururlar. Ramazan ayının başlanması, həmçinin müsəlman şərqində ilk parlamentli respublikanın qurulmasından 99 il ötməsi münasibətilə zəngin tarixi olan Azərbaycanı təbrik edirəm.

Amerika Birləşmiş Ştatları Azərbaycanın öz xalqının fundamental azadlıqlarına hörmətlə yanaşan təhlükəsiz və firavan dövlət yaratmaq səylərini dəstəkləyir.

Biz həmçinin Dağlıq Qarabağ münaqişəsinin dinc yolla nizamlanması prinsipinə sadiqik.

ABŞ gələcəkdə də Azərbaycanla bütün sahələrdə daha sıx əməkdaşlıq qurmaq niyyətindədir”.