Bu gün Bakı Şəhər Ticarət və Xidmət Departamentinin mətbuat xidmətinin rəhbəri, tanınmış yazıçı Əlabbas Bağırovun doğum günüdür. 1957-ci ildə dünyaya göz açan Ə.Bağırov 60 illik yubileyini qeyd edir.
Yazıçı öz tərcümeyi-halını bu cür ifadə edib:
Doğum tarixi – 5 may 1957.
Ən xoşbəxt günü – 23 avqust 1973, tələbə bileti aldığı vaxt.
İlk sevgi şərbəti içdiyi gün – 27 avqust 1978.
İlk donluq aldığı ay – sentyabr 1978, 87 manat.
İlk mətbu yazısı – "Kişilik”, ("Ulduz”, №11, 1981)
Yadlar qapısında son sənə – 1993.
Çapına ən çox vaxt itirdiyi əsər – "Köhnə kişi”, 8 il.
Qapılarında can çürütdüyü redaksiyalar – "Azərbaycan”, "Ulduz”, "Ədəbiyyat və incəsənət”
Ən gözəl hekayəsi – "Acı bir xatirəyə sözardı”
Uğuruna ürəkdolusu sevindiyi əsər – heç biri.
Yaşamadığı illər – "Köhnə kişi”nin "Azərbaycan”ın zindanında "yatdığı” 1981–88-ci illər… və indi.
(bakipost.az)