Füzuli Elektrik şəbəkəsində baş verən özbaşnalıqla bağlı uluyol.info-nun elektron poçtuna gələn şikayət məktubunu olduğu kimi təqdim edirik:
"Hörmətli redaksiya, mən Elşən Hüseynov, Eldəniz Hüseynovla birlikdə nəzərinizə çatdırırıq ki, məcburi köçkünlərin istifadə etdiyi elektrik enerjisinin pulu nəğd qaydada 2017-ci ilin yanvar ayınnan ödənməyə başlanmasına baxmayaraq Füzuli elektrik şəbəkəsi keçən ilin sərfiyatında bizdən tələb edir. Baxmayaraq ki, keçən ili Dövlət Qaçqınkom ödəmişdir.
Bu məsələ ilə bağlı Füzuli elektrik şəbəkəsinə getsəkdə, özünü rəis müavini kimi təqdim edən Hüseyn Kərimov bizi dinləmək əvəzinə, problemimizin həlli üçün köməklik göstərmək əvəzinə, bizi təhqir etdi, məmura yaraşmayan ifadələr işlətdi və bizi otağından qovdu. Sizlərdən xahiş edirik səsimizi mətbuat vasitəsilə Cənab Prezidentə, Mehriban xanıma çatdırasız. Bu cür məmurlar cəzalansın, bizim problemimiz isə həllini tapsin.
Hörmətlə: Hüseynov Elşən İbrahim oğlu
Hüseynov Eldəniz Ramil oğlu"
Qarşı tərəfin mövqeyini dərc etməyə hazırıq.
Uluyol.info
