Əksər insanlar həmsöhbətlərinə emosiyaları dəqiq çatdırmaq üçün smayliklərdən istifadə edir. "Samsung” şirkəti bu istiqamətdə daha irəli gedərək afaziya kimi nitq qüsurlu insanlara kömək üçün emodzilərdən istifadə etmək qərarına gəlib. Belə xəstələr oxumaq və yazmaqda, eləcə də bilavasitə danışıqda problemlərlə üzləşirlər.

Gununsesi.info "ICTnews”a istinadən xəbər verir ki, "Samsung”un İtaliya bölməsi loqoped Françesko Polini ilə əməkdaşlıqda mətnli ifadələri smaylik birləşmələri ilə əvəzləməyə imkan verən "Wemogee” adlı yeni mobil əlavə hazırlayıb. Ondan məlumat mübadiləsi üçün messencer kimi istifadə mümkündür.

ABŞ Milli Afaziya Assosiasiyasının məlumatına görə, iki milyona yaxın amerikalı afaziyadan əziyyət çəkir və hər il bu xəstəlik 180 min nəfərdə əmələ gəlir. Əksər belə xəstələr ünsiyyət üçün jestlərdən, şəkil çəkməkdən və ya qrafik lövhələrdən istifadə edir. "Wemogee” proqramı məhz belə insanların həyatını sadələşdirmək məqsədilə hazırlanıb.

"Afaziya xəstələri emodzilərin emosiyaların bütün aspektlərini ifadə etməsinə görə onları başa düşürlər. Jestlərdən, üzün obraz və ifadələrindən istifadə sayəsində funksiya mənanı gözəl saxlayır və hətta ünsiyyəti əvəz edə bilir”, – F.Polini bildirib.

Proqram tərtibatçılarının sözlərinə görə, bu, emosiyalar əsasında afaziya xəstələrinin ünsiyyəti üçün nəzərdə tutulan ilk messencerdir. Əlavə vizual və mətnli olmaqla iki rejimlidir. Afaziya xəstəsi olan istifadəçilər 6 kateqoriyaya bölünən 140 mindən çox ifadənin ötürülməsi üçün yaradılan smaylikləri görürlər. "Wemogee” əvvəlcə smaylik birləşmələrini digər istifadəçilər üçün mətnə, daha sonra onların cavablarını yenidən smayliklərə çevirir.

Hazırda yalnız ingilis və italyan dillərini dəstəkləyən proqramın aprelin 28-də "Android”, sonradan "iOS” versiyasının işıq üzü görəcəyi gözlənilir.

 

 

Uluyol.info

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300