Qarabağ cəbhəsində ölümcül güllə yarası alan erməni hərbçi 19 yaşlı Tatul Arutyunyanın durumu kiritik olduğundan o, Dağlıq Qarabağdakı hospitaldan İrəvana aparılıb.

Musavat.com bununla bağlı erməni mediasına istinadən xəbər verir. Məlumata görə, 17 apreldə qarşı tərəfdən açılan cavab atəşi nəticəsində ağır yaralanan işğalçı ordunun hərbçisinın vəziyyəti ağırdır. Ermənistan tərəf onun cəbhənin şimal istiqamətində Azərbaycan ordusu tərəfindən hədəfə alındığını iddia edib.

Qeyd edək ki, düşmən günbəgün vəziyyəti gərginləşdirməyə doğru addımlar atmaqla Azərbaycan ordusunu daha sərt tədbirlərə əl atmağa sövq edir. Elə bu gün, aprelin 21-cı Qarabağ separatçılarının lideri Bako Saakyan Xocavənd rayonuna gəlib. Sözsüz ki, separatçı lider bununla davamlı itkilərə görə narahat olan erməni əhali və hərbçiləri sakitləşdirməyə çalışır. Erməni mediasının məlumatına görə, separatçıların rəhbəri "tikinti işlərinin və daxili yolların çəkilişi ilə maraqlanıb, işlərin keyfiyyətli aparılması ilə bağlı tapşırıqlarını verib”.

Daha sonra o, Kəlbəcər rayon mərkəzinə gedib və 5 saylı orta məktəbin müəllimləri ilə görüşdə onları narahat edən probləri dinləyib. Şübhəsiz ki, B.Saakyan bununla da öz varlığını sübut etməyə, həmçinin əhalidəki təşvişə son qoymağa çalışır. Ancaq bütün hallarda bu nümayişkəranə həyasızlığı ilə o, Azərbaycana sərt tədbirlərə əl atmaq üçün kifayət qədər əsaslar yaradır.