Avropada yaşayan, əsasən Güney Azərbaycandan olan milli fəalların əməyi nəticəsində yanvarın 15-dən etibarən yeni televiziya - "Oğuz TV" fəaliyyətə başlayır.
Bu haqda redaksiyamıza Ümid Partiyasının sədr müavini Rüfət Muradlı məlumat verib. O bildirib ki, Azərbaycanın Milli fəallarinin milli iradəsi və əməyi sonucunda dekabrın 31-də Oğuz media qrupunun varlığı elan olunub və "Oğuz TV-Radio"adı altında 15. 01.2016 tarixindən İnternet üzərindən yayıma başlayacaqdır. "Oğuz" media qrupu Türk millətinin səsi olmağı məram seçərək , öz imkanları daxilində, başda Azərbaycanın Güneyi olmaqla, Bütöv Azərbaycan və Türk Dünyası məsələlərini əks etdirəcəkdir.
Mediya qrupunun yayım öncəsi yaydığı bildirişdə Azərbaycanın və Türk Dünyası milli düşüncəli insanları və media qruplarından "Oğuz TV" -nin Milli davada təsirli olması üçün onun fəaliyyətinə yardım göstərmələri istənilib. Azərbaycanımıza xeyirli, uğurlu olsun!
ULUYOL.İNFO
