Kolumbiya Milli Qurtuluş Ordusu Kauka bölgəsinin ərazisində olan Korinto şəhərinin patrul nəzarətçilərinə hücum edib.

Axar.az xəbər verir ki, bu haqda Kolumbiya mətbuatı məlumat yayıb.

Hücum nəticəsində bir əsgər ölüb, ikisi yaralanıb.

Kolumbiya Prezidenti Xuan Manuel Santos sosial şəbəkə hesabında hücumu pisləyib və ölən əsgərin ailəsinə başsağlığı verib.

Qeyd edək ki, Kolumbiya hökuməti ilə Milli Qurtuluş Ordusu arasında bu ilin fevralın 7-dən etibarən sülh danışıqları başlasa da, tərəflər buna əməl etmir.

Xatırladaq ki, 48 milyondan çox əhalisi olan Kolumbiyada yarım əsrdən çoxdur davam edən vətəndaş müharibəsində 260 minə yaxın adam ölüb, 6 milyondan çox adam ölkəni tərk edib.