Belə ki, Yeni il şənliyinə valideyinlərdən pul yığmaq kompaniyası uğursuz nəticələnib. Bütün bu xoşəgəlməz hadisələr baxçanın müdirəsi tərəfindən təşkil edildiyi bildirilsədə, əslində Gəncə şəhər icra hakimiyyətinin "dobrosundan” sonra baş tutur. Mənbənin bildirdiyinə görə sözügedən baxçada hər valideyindən 5-10 manat pul tələb edilib. İmkanlılar etiraz etmədən tələb edilən məbləği ödəyib. Lakin imkansızlar isə etiraz əlaməti olaraq internet səhifələrindən narazılıqlarını bildirib.

Etirazçllardan biri Zərqələm Bayramovun imkanı çatmadığı üçün övladı baxçada şənliyə buraxılmayıb. Lalə adlı baxça müəlliməsinin canfəşanlığı valideyinlər arasında narazılıqlar yaradıb. Etiraf edək ki,  Gəncə ŞİH başçısı Elmar Vəliyevin nəzərindən bu cür hallar yayına bilməz.

Atalar demişkən: Balıq başdan iylənər. Bəli, istənilən halda bütün məsuliyyət başçının üzərindədir. Əgər qarşı tərəf kimi Gəncə şəhər icra hakimiyyətindən münasibət bildirilsə ki, Elmar Vəliyevin xəbəri yoxdur, deməli başçı şəhərdə nəzarəti itirib. Yox əgər bildirilsə ki, icra başçısı bütün idarə, müəssisə və təşkilatlara tam nəzarət edir deməli yuxarıda yazdıqlarımız tam doğrudur. Pul yığma kompaniyası birbaşa icra başçısının göstərişidir.