Müsavat Partiyasının Məclis üzvü Cahangir Əmirxanlı və partiyanın Gəncə şəhər təşkilatının sədri Oqtay Məmmədli polis idarəsinə çağırılıb. Məlumatı Müsavatın Gəncə şəhər təşkilatı verib.
Müsavat Partiyasının mətbuat xidmətindən "Basta”ya verilən məlumata görə bu gün Müsavat Partiyası Mingəçevir təşkilatının sədri Nurəddin Rüstəmli səhər saatlarında polisə dəvət olunub. Saat 09:00-da polisdə olan Nurəddin Rüstəmlidən bu vaxta kimi heç bir məlumat yoxdur.
Daha bir partiya üzvü, Mətanət İsmayıl da polisə çağrılması barədə partiya rəsmilərini bilgiləndirib.
Ən son məlumata görə Müsavat başqanının daha bir müşaviri Mərdan Mehdili və Qubadlı Rayon Təşkilatının sədri Nazim Azadoğlu da, bölməyə çağırılıb.
Xatırladırıq ki, ötən günMüsavat başqanının müşavirləri Ramazan Əliyev və Elman Həsənli Polis bölməsinə çağırılıblar.