Bu gün Aprel döyüşlərində şəhid olmuş Milli Ordunun giziri Elimdar Səfərovun şəhadətindən bir il keçdi. İldönümü şəhidin ata ocağında-Neftçala rayonu Aşağı Qaramanlı kəndində keçirilib.Mərasimdə Azərbaycanın müxtəlif regionlarından din xadimləri, ictimai -siyasi fəallar, şəhidin döyüş yoldaşları , rayon ictimaiyyəti iştirak etmişdir.
Uluyol.info xəbər verir ki, ildönümü Səfərovlar ailəsinin həyətində din xadimlərinin moizələri, döyüş yoldaşlarının xatirələri və Yasin sürəsi oxunub, ehsan süfrə ilə yekunlaşıb.
Mərasimin ikinci hissəsi isə, Aşağı Qaramanlı kəndində yerləşən Əbülfəz Abbas məscidindən başlayıb.Beləki, Məscidin həyətində şəhid Elimdar Səfərovun xatirəsinə tikilmiş abidənin ətrafında məktəblilərin hazırladığı kompazisiya təqdim edilib.Milli vətənpərlik ruhunda şeirlər, şəhidimizə ithaf olunmuş ədəbiyyatlar səsləndirilib.
Mərasimin üçüncü hissəsində Kənd qəbiristanlığında yerləşən Şəhidlər xiyabanı ziyarət olunub.Burada din xadimləri Qurani-Kərimdən ayələr, Yasin sürəsini oxuyub.Elimdar Səfərovun döyüş yoldaşları xatirlərini bölüşüb.Araşdırmaçı-yazar Əliniyaz Qaramanlı "Neftçala şəhidləri III hissə" kitabını şəhidin məzarı üzərinə qoyub.Kitabda Neftçala şəhidləri, eləcədə Aprel döyüşlərində şəhid olmuş Milli Qəhrəman Samid İmanov və III dərəcəli medala təltif edilmiş gizir Elimdar Səfərov haqqında geniş məlumat dərc olunub.
Sonda şəhidlərin məzarı üzərinə əklil, gül dəstələri qoyulub, sayqı ilə anılıb.
Uluyol.info kollektivi tarixin müxtəlif dövrlərində Vətən torpaqlarının bütövlüyü uğrunda şəhid olmuş oğullarımızı sayqı ilə anır, qarşılarında baş əyirik.
Bizi izləyin, video və yeni fotolarımız əlavə ediləcək.
