Ötən həftə Londonda baş verən hücumla bağlı saxlanılan şəxslərin hamısı azad edilib, London polisi bildirir.
Hücumun hazırlanmasında şübhəli bilinən sonuncu şəxs şənbə günü buraxılıb.
Birmingham sakini olan 30 yaşlı kişidən əvvəl daha 11 nəfərin azad olunduğu bildirilir.
Londonun mərkəzində maşınla adamları vurandan sonra bıçaqla polisə hücum edən Xalid Məsud hüquq-mühafizəçilərin atəşi ilə öldürülmüşdü.
Martın 22-də baş verən insidentdə hücum edən şəxslə
yanaşı polis əməkdaşı və daha 3 nəfər həlak olub.
İstintaq hücum edən şəxsin ekstremist qruplarla əlaqədə olduğunu təsdiqləyən dəlillərə
rast gəlmədiyini bildirir.
Polis nümayəndəsinə əsasən Xalid Məsud cihadla maraqlansa da onun hücum planlarını başqa bir tərəflə müzakirə etdiyini deməyə əsas yoxdu.
Bundan əvvəl özünü İŞİD adlandıran qruplaşma hücuma görə məsuliyyəti öz üzərinə götürdüyünü elan etmişdi (BBC).
