Aydın CANIYEV
Deməli, mən bir gün ərzində 10 milyonluq Azərbaycan
xalqına cəmi-cümlətanı 1 kq alça sata bilsəm, çox rahat kirayə qaldığım evin üç
aylığını verə bilərəm! Fəqət mən... 100-cə kitabımı - 500 səhifə, 10 janr üzrə
10 super yazı - 10 manatdan sata bilmədim ki, nəşriyyatın xərcinin dörddə
birini verim!
Bu analoqsuz ölkənin adamlarını analoqsuz qiymətlə və həm də alça ilə loxlamaq
lazımdı!!!
Yaşasın iqtidar!
Yaşsın Siyavuş Novruzov!
Yaşasın Arif Rəhimzadə!
Yaşasın Hadi Rəcəbli!
Yaşasın Çingiz Qacar!
Yaşasın Araz Əlizadə ayrıca və yaşasın... Zərdüşt Əlizadə... ayrıca!
Ayə, a millət, alçanın da 720 manata satılmasına AŞ PA, ABŞ, RF, AB, BMT əncam
çəkməlidi? Alça da Dağlıq Qarabağdı ki, onu Rusiyanın əliylə mataha mindiriblər?
Alça da neftdi ki, BP, Statoyl, Şevron TALEYİNİ MÜƏYYƏN EDİR?
Ay daad, bir alçanın qiymətinə yerini və qədərini göstərə bilməyən ölkə vətəndaşı...ABŞ-la, Rusiya ilə, Qərblə, Avropa ilə tay-tuşluq, hampalıq eləmək istəyir!
Doğrudan da, analoqumuz yoxdur!
Yoxdur da, a kişi, yoxdu! İqtidarın təbliğat imicmeykerləri elə-belə dövriyyəyə
buraxmayıblar ki, analoqsuz təşbehini!
Niyə ironiya hədəfinə çeviririk ki, bu təşbehi?
Analoqumuz var? 9 iqlim qurşağı olan ölkədə 1 kq alçanı 1 barrel neftdən
azından 8 dəfə baha satan xalqla necə rəftar edəcən ki, bu iqtidarın rəftarından
başqa?
Alçanın da qiymətinin 720 manata olması iqtidarın oliqarxlarının, monopolistlərinin,
Tarif Şurasının əməlidir?
Əgər elədirsə, onda yenə də, analoqumuz yoxdur!
Alçası 720 manata satılan ölkədə elektrik enerjisi, qaz, su indiki qiymətləriylə
demək olar ki, "huvayidü"!
Nə isə, alçanızı yeyəsiz...
Uluyol.info