2017/2018-ci tədris ili üçün
ali təhsil müəssisələrinin və Azərbaycan Milli Elmlər Akademiyasının (AMEA)
magistratura imtahanlarının vaxtı məlum olub.
APA-nın xəbərinə görə, magistratura imtahanın birinci mərhələsi 2017-ci il
aprelin 9-da keçiriləcək və bakalavrlara ümumi intellekt səviyyəsinin (məntiqi
təfəkkürun) yoxlanılması üçün 50 (o cümlədən, açıq formalı 5), informatika üzrə
25 (o cümlədən, açıq formalı 5) və xarici dil üzrə 25 (o cümlədən, açıq formalı
5) test tapşırığı təqdim olunacaq.
Birinci mərhələdə 50 və daha çox bal toplayaraq müsabiqə şərtlərini ödəyən və
imtahanın ikinci mərhələsinə buraxılan bütün bakalavrlar bitirdikləri bakalavr
ixtisaslarından asılı olmayaraq, jurnalistika ixtisası üzrə magistratura
ixtisaslaşmalarına qəbul olmaq üçün müraciət edə bilərlər. Müsabiqə şərtlərini
ödəyən və magistratura səviyyəsinə jurnalistika ixtisaslaşmaları üzrə qəbul
olmaq istəyən bakalavrlar Mərkəz tərəfindən elan edilən müddətdə Mərkəzin
internet saytının müvafiq səhifəsində sorğu anketini doldurmaqla qeydiyyatdan
keçməli, "Bakalavrın qabiliyyət imtahanına buraxılış vərəqəsi"ni çap
edib götürməli və vərəqədə göstərilən vaxtda qabiliyyət imtahanında iştirak etməlidirlər.
İmtahanın ikinci mərhələsi 4 iyun 2017-ci il tarixində keçiriləcək. Bu mərhələdə
bakalavrların ixtisas üzrə bilikləri seçdikləri proqrama əsasən test üsulu ilə
onlara 50 (o cümlədən, açıq formalı 5) test tapşırığı təqdim olunmaqla
yoxlanılacaq.
Müəyyən qəbul proqramlarını seçən bakalavrlar ixtisas üzrə test tapşırıqlarının
əvəzinə, yazılı imtahan verməli, xüsusi qabiliyyət tələb edən ixtisaslar üzrə
ixtisas magistraturasına qəbul olmaq istəyən bakalavrlar isə qabiliyyət
imtahanı verməlidirlər ("Magistr” jurnalının 2017-ci il tarixli 3-cü sayında qəbul
proqramları dərc olunanda bu barədə məlumat veriləcək).
Yazı işləri və qabiliyyət imtahanının nəticəsi 50 ballıq şkala üzrə qiymətləndirilir.
İmtahan suallarının cavablandırılmasına imtahanın birinci mərhələsində 2 saat
30 dəqiqə, ikinci mərhələsində isə 1 saat 30 dəqiqə vaxt ayrılır.
Qəbul imtahanında sağlamlıq imkanları məhdud şəxslərin iştirakının təmin edilməsi
üçün Mərkəz tərəfindən əlverişli şərait yaradılır. Görmə qabiliyyəti olmayan (I
qrup əlil) bakalavrlara fərdi nəzarətçi təyin edilir və onlar üçün imtahanın
davametmə müddəti 30 dəqiqə artırılır.
Qəbul imtahanının birinci mərhələsi Bakı, Naxçıvan, Gəncə, Mingəçevir və Lənkəran
şəhərlərində, ikinci mərhələsi isə Bakı, Naxçıvan və Gəncə şəhərlərində
keçirilir.
Bakalavrın imtahan verəcəyi şəhər Mərkəz tərəfindən bakalavrın yaşadığı məntəqəyə
görə təyin edilir.
Qəbul imtahanının hər bir mərhələsində iştirak etmək üçün bakalavrın ayrıca
imtahana buraxılış vərəqəsi olmalıdır. İmtahanın birinci mərhələsində iştirak
etmək üçün qeydiyyatdan keçmiş bakalavrlar 2017-ci il aprelin 5-dən etibarən
birinci mərhələ üçün, ikinci mərhələyə buraxılanlar isə 2017-ci il mayın 31-dən
etibarən ikinci mərhələ üçün "Bakalavrın imtahana buraxılış vərəqəsi"ni
eservices.dim.gov.az/erizemag/brxvmag internet səhifəsinə daxil olaraq çap edib
götürməli, imtahanın yeri və keçirilmə tarixi qeyd olunan buraxılış vərəqəsini
(hər mərhələ üçün ayrıсa) və şəxsiyyətlərini təsdiq edən sənədi imtahana hökmən
gətirməlidirlər.
Magistraturaya qəbul olmaq üçün ixtisaslaşma seçimi ixtisas fənləri üzrə biliklərin
qiymətləndirilməsi imtahanının nəticələri elan olunduqdan sonra aparılır.
Bakalavrların seçdikləri ixtisaslaşmalar üzrə müsabiqə iki mərhələdə keçirilən
imtahandan topladıqları ümumi bal (balların cəmi) əsasında aparılır.
İxtisaslaşma seçiminə ümumi intellekt səviyyəsinin (məntiqi təfəkkürün),
informatika və xarici dil üzrə biliklərin qiymətləndirilməsi imtahanından və
ixtisas fənləri üzrə biliklərin qiymətləndirilməsi imtahanından topladıqları
ümumi balı (ballarının cəmi) ilə yanaşı, ixtisas fənləri üzrə biliklərin qiymətləndirilməsi
imtahanından ayrılıqda topladıqları balı da Mərkəz tərəfindən Təhsil Nazirliyi
ilə razılaşdırmaqla müəyyən edilən müsabiqə şərtlərinə uyğun olan bakalavrlar
buraxılırlar.
Ulu Yol Xəbər portalı » Cəmiyyət » Magistratura imtahanlarının vaxtı məlum olub
Xəbər lentİ
Yazarlar
Müstəmləkə cinayətlərinə rəğmən müstəqillik əzmini itirməyən Əlcəzair - TƏHLİL
/
1-11-2022, 21:12
/