Uluyol.info ənənəvi olaraq "Şəhidlərimizi hər gün anaq" layihəsindən bu gün -1 mart tarixində dünyaya göz açmış Neftçala şəhidləri Rəhimov İnqilab Həsən oğlu və Məhərəmov Akif Rəhman oğlu haqqında məlumat verəcik.
Birinci Qarabağ müharibəsində hər iki qəhrəmanımız könüllü Ordu sıralarına yazılmış və onlarla döyüşlərdə məharət göstərmişlər.
Məhərrəmov Akif Rəhman oğlu 1972-ci il 1 Mart tarixində Neftçala rayonu Qaçaqkənd kəndində doğulub.Kənddəki orta məktəbi bitirib.Məktəbi bitirdikdən sonra Altay vilayəti Barnaul vilayətində iki illik hərbi xidmət keçir.
Atası Rəhman kişinin dedikləri:
"Çox üzüyola uşaq idi.Həyət bacada səliqə sahmana fikir verərdi.Bir xasiyyəti
var idi ki, İstəməzdi evdə kimsə əziyyət çəksin.Hamının işini öz boynuna çəkmişdi.Evcanlı
idi.Müharibə başladığı zaman digər iki övladım ailəli idi.Akif ərizə yazıb
könüllü ordu sıralarına yazıldı.Gedəndə də dedi ki,"Qardaşlarımın əvəzindən
gedirəm, onlar evlidirlər, qoy qalsınlar ailələrinin yanında".Hərbinin
sirrlərini iki illlik xidməti zamanı mənimsəmişdi.Elə Altay vilayətində xidməti
zamanı komandirləri evə təşəkkür məktubları yollayırdılar".
Akif Məhərrəmov 1993-cü il avqust ayının 3-ü könüllü olaraq Ordu sıralarına
qatılıb.1994-cü il yanvar ayının 4-ü Ağdam döyüşlərində qəhrəmancasına Həlak
olub.Məzarı yoxdur.Şərqiyyə ana oğlunun həlak olması, amma məzarının yoxluğu
çox ağrına gedir.:.
" Əgər əlimizlə kəfəni büküb dəfn etsəydik,Vallah məni yandırmazdı.Heç bilmirəm
balam harda qaldı"...
Rəhimov İnqilab Həsən oğlu 1974-cu il Mart ayının 1-i Neftçala rayonu Qaraqaşlı
kəndində doğulub.Qaraqaşlı orta məktəbinin 8-ci sinifini bitirib.Təhsilinin
davamını Salyan rayonu 2 saylı orta məktəbdə davam etdirib.Məktəbi bitirdikdən
sonra bir müddət Salyan rayonunda kiçik müəsssisədə çalışıb.
1992-ci il iyun ayının 7-də Könüllü olaraq cəbhəyə yola düşür.Ağdam
batalyonunda iki il xidməti zamanı onlarla döyüşlərdə iştirak etmiş və bir dəfə
Ağdərə istiqamətində mühasirədə olmuşdu.1994-cu il iyun ayının 5-də Ağdamın Çəmənli
kəndi uğrunda döyüşlərdə qəhrəmancasına həlak olub.Məzarı Neftçala rayonu Cəngən
kəndindədir.
Niyaməddin Rəhimov qardaşı haqqında bunları deyir:
" Biz altı qardaş idik.Mübariz,İntiqam, Niyal, Xəyal və Mən. İndi qalmışıq
5 qardaş... Mübarizlə İnqilab cəbhəyə bir yollamışdı.Eyni hərbi hissədə
olmuşdular.Hətta Ağdərədə mühasirəyə də düşmüşdülər.
Qardaşlarımın içində deyərdim ki, ən istiqanlısı elə, İntiqam idi. Lazım gəlincə
bizim üçün canını da fəda edərdi. Elə ona görə də Mübarizi evə göndərmişdi.Dedi
ki, "Ailədən biri vuruşmalıdır, mən də vuruşuram".İndi Mübariz deyir
ki,"gərək ona qulaq asmazdım.qalardım yanında.Onda İnqilaba heç nə
olmazdı".Ancaq Mübariz boş yerə özünü danlayır.İnqilabın taleyində şəhid
olmaq yazılmışdı,ona görə də belə oldu.İnqilab Şəhilik zirvəsini fəth
etdi".
Uluyol.info, Tural İNTİQAM
