Rayonlarda mənzillərə verilən qazın kəsilməsi hallarına
tez-tez rast gəlinir. İnsafən deyək ki, qaz kəsilməmişdən bir gün öncə "Azəriqaz”
İstehsalat Birliyi vətəndaşlara xəbərdarlıq edir, tədbir görmələri üçün məlumat
verir. Bəlkə də şəhər yerlərində öncədən elan verməyin bir əhəmiyyəti var,
ancaq kənd yerlərində vəziyyət bir qədər başqadır.
Demək olar ki, hər ayın müxtəlif günləri Neftçala rayonunun Qoltuq kəndinə
verilən qaz təmir adı ilə əlaqədar kəsilir.Kənd sakinləri Nia.az-a bildiriblər
ki, evlərində odun sobası olmadığı üçün qaz kəsiləndə çox əziyyət çəkirlər: "Şəhər
yerlərində mənzillər çox da böyük olmur, ona görə də çox da soyumur. Ancaq kənd
evləri qaz kəsiləndə buz kimi olur. Elektrik plitələri ilə kənd evlərini
qızdırmaq çox çətindir. Qoca var, xəstə var – belə hallarda onların vəziyyətini
təsəvvür edirsinizmi? Əlbəttə, qaz çox yaxşıdır, istifadə edirik, rahatlıqdır,
amma fasilələrin tez-tez olması bizi çox narahat edir. Bilmirik neyləyək. Qaz kəsiləndə
uşaqları soyuq alır. Elə adam var ki, bu fasilələrin əlindən təngə gəlib və gələn
ildən yenidən odun sobasından istifadə edəcəklərini deyir. Olmazmı təmir işlərini
yay boyu görəydilər, qışda əziyyət çəkməyəydik? Təmi olar 2 ayda bir dəfə, 3
ayda bir dəfə. Bu qədər fasilə olmaz axı.
"Qəza yaranıbsa və ya yaranma ehtimalı varsa, əlbəttə, bunlar aradan
qaldırılmalıdır”
Qeyd edək ki, təmir işləri ilə əlaqədar qazın verilişlərində fasilə olur. Yay
aylarında qaz xətlərində təmir aparılanda insanlar o qədər də narahat olmurlar,
yaxud çox da diqqət çəkmir. Ancaq qışda insanlar əziyyət çəkirlər. Bəzən
yağıntılı günlərdə belə mənzillərə qaz verilişində fasilələr olur. ”
Qaz sızmaları olan və ola biləcək borular niyə yayda yox, məhz qışda aşkar
olunub?
Qeyd edək ki, Neftçilərin Hüquqlarının Müdafiə Komitəsinin sədri Mirvari Qəhrəmanlı
da sosial şəbəkədə tez-tez bu problemə toxunur və ittihamlar səsləndirir:
"Qazla təminatda ölkə əhalisinə işkəncə verdiyinə görə sürəkli "alqışlara” məruz
qalmalı şəxslər doğurdanmı yalnız Əkbər Hacıyev və Rövnəq Abdullayevdir? Əhalidə
narazılıq yaratmaq üçün aparılan bu süni qaz siyasəti kimin ideyasıdır? Bunun
arxasında hansı yüksək çinli məmur durur və marağı nədir”.
Mirvari xanım bu problemlərin araşdırılmasına ehtiyac duyulduğunu bildirir: ”
– Qaz təsərrüfatında qaz sızmaları olan və ola biləcək borular niyə yayda yox,
məhz qışda aşkar olunub?
– Gün ərzində 4-10 saat əhalinin qazla təminatının saxlanılması və uzun müddət
qaz borusuna hava vurulması, bunun qaz sərfi kimi sayğaclarda qeyd olunması və
bu pulun əhalindən alınması, qaz itkilərini əhalinin hesabına bağlamaq məmur
özbaşınalığıdır, yoxsa səriştəsizlik?
– Hər gün ölkənin müxtəlif ərazilərində qəza, təmirlə (yaxud təmir adı ilə) əlaqədar
əhalinin qazla təminatının saxlanılmasını araşdıran olubmu? Bu realdırmı?”.
Sonda qonşum Ülviyyə nənənin sözü yadıma düşdü görüm Rövnəyin hamamda çiməndə isti suyu qurtarsın köpüklü qalıb allergiya versin.
Behruz Əliyev, nia.az
