İtaliyada cinayət ittihamı ilə 21 il həbs yatan bir adam
günahsızlığı aydın olunca sərbəst buraxıldı.
İndi 51 yaşında olan Angelo Massaro Puglia bölgəsində yerləşən Tarantoda
1995-ci ildə işlənən bir cinayətdə günahkar bilinərək, 24 il həbs cəzasına məhkum
edildi. Massaro cinayət iddiasını rədd etsə də, bir müxbir xəbəri və telefon
dinləməsi ilə əldə edilən "dəlillərlə” məhkum edildi.
Ancaq aradan 21 il keçdikdən sonra Massaronun həbsə atılmasına səbəb olan
telefon dinləməsinin səhv tərcümə olunduğu ortaya çıxdı. Puglia bölgəsinə xas ləhcəylə
danışan Massaronun telefonda arvadına "bir yük” daşıdığını söylədiyi, ancaq
Massaro’nun "yük” mənasında istifadə edilən "muers” sözünün "muerte” (ölü)
olaraq qeydlərə keçdiyi müəyyən olundu.
Massaronun cinayət anında narkotik asılılığı müalicəsi üçün bir sağlamlıq məntəqəsində
olduğu da isbatlanınca, 21 il sonra sərbəst buraxıldı. Həbsdə ikən liseyi bitirən
və hüquq təhsili alan Angelo Massaro haqsız yerə illərcə həbs yatmasına
baxmayaraq, "dərs çalışmaq mənə çox kömək etdi, amma dəli olmağımı önləyən
yoqa, meditasyon və idman oldu” deyib.
Bu, Massaronun başına gələn ilk yanlış məhkumluq deyil. 1991-ci ildə də başqa
bir cinayət üçün 21 il həbsə məhkum edilən Massaro o dövrdə 1 il həbs yatdıqdan
sonra günahsızlığı aydın olunca sərbəst buraxılmışdı. İlk haqsız məhkumiyyəti
üçün dövrün puluyla 10 milyon liret (təxminən 5000 avro) təzminat alan Massaro
indi də həbsdə keçirdiyi son 21 ili üçün təzminat tələb etməyə hazırlaşır.
Hələ də evli və 2 uşaq sahibi olan Massaro yaşadığı haqsızlıqla bağlı nələr
hiss etdiyi sualına belə cavab verib:
"Kimsədən nifrət etmirəm, amma qəzəbliyəm. Uşaqlarımın böyüdüyünü görə bilmədiyim
üçün qəzəbliyəm. Həbsə girdiyimdə oğlum Rafael 2,5 yaşında, Antonio isə 45
günlük idi. Dayana bilməyim həyat yoldaşım Patrisianın sayəsindədir. O günahsız
olduğuma həmişə inandı.”
Ulu Yol Xəbər portalı » Maraqlı » “Tərcümə səhvi”nə görə haqsız yerə 21 il həbs
Xəbər lentİ
Yazarlar
Müstəmləkə cinayətlərinə rəğmən müstəqillik əzmini itirməyən Əlcəzair - TƏHLİL
/
1-11-2022, 21:12
/