Azərbaycanda uşaq "Kinder Joy” adlı şokoladlı yumurtadan
zəhərlənib.
Bu barədə "Azad İstehlakçılar” İctimai Birliyinin sədri Eyyub Hüseynov sosial şəbəkədə
yazıb. O, qeyd edib ki, Binəqədi rayonu, Biləcəri qəsəbəsi, Təbriz küçəsi, mənzil
6 ünvanında yaşayan Babayev Xəyyam Əmrulla oğlu tərəfindən birliyə daxil olan
müraciət araşdırılıb. Müraciət edən şəxs bildirib ki, Xətai metrosu
yaxınlığında yerləşən "Metro market” dükanından uşaq üçün "Kinder joy”
şokoladlı yumurtasını alıb. Evə gətirdikdən sonra yumurtanın üzərində
yararlılıq və buraxılma tarixinin qırmızı "skoç”la örtüldüyünü görüb və onu
qaldırıb. "Skoç”un altında 04.03.16 və 15.09.16 tarixinədək yazısı görünüb. Yəni
malın yararlılıq tarixi artıq 2016-cı ildə bitib. Nəticədə müştərinin uşağı zəhərlənib.
Müştəri kassa qəbzi əldə etməsi üçün müxtəlif vaxtlarda həmin dükana gedib və
yenə eyni maldan alıb. Həmin mallarda da vəziyyətin eyni olduğu aşkarlanıb. Məlum
olub ki, kassa çekinin VÖEN- i də yoxdur. Müştəri birliyə ünvanladığı müraciətdə
bildirib: "Düşünürəm ki, bu kimi vaxtı keçmiş maldan uşaqlar zəhərlənə bilər.
Necə ki, mənim uşağım zəhərləndi və çətinliklə onu xilas etdik. Çünki uşaq
"kinder”in birini yemişdi”.
"Heç bir dövlət orqanı bu təhlükəli malı yığışdırmağa maraq göstərmir. Bu malı
idxal edən "Hengen” şirkətinə də məlumat verdim, heç bir əməli iş görmür” deyə
E.Hüseynov bildirib.
Ulu Yol Xəbər portalı » Müsahibə » “Kinder”lə bağlı ŞOK FAKT- Valideynlərin diqqətinə
Xəbər lentİ
Yazarlar
Müstəmləkə cinayətlərinə rəğmən müstəqillik əzmini itirməyən Əlcəzair - TƏHLİL
/
1-11-2022, 21:12
/