Arif Hacılı: "Bu, milli faciədir"
"Demişdim ki, əfv sərəncamı hakimiyyətin ölkəmiz üçün ağır siyasi və iqtisadı böhran dövründə nə cür davranacağının son anonsu olacaq. Hakimiyyət heç bir siyasi məhbusu buraxmamaqla seçimini etdi. Azərbaycan cəmiyyəti və Dünya Birliyi ilə qarşıdurma yolunu seçdi".
Bunu Arqument.Az-a açıqlamasında Müsavat Partiyasının başqanı Arif Hacılı prezident İlham Əliyevin bu gün imzaladığı əfv sərəncamına münasibət bildirərkən deyib.
Müsavat başqanı hakimiyyətin son addımlarını milli faciə adlandırıb: "Belə görünür ki, hakimiyyət artıq iflasa uğradığı aydın görünən daxili ve xarici siyasətini davam etdirmək niyyətindədir. Bu, milli faciədir. İndiki sürətli inkişaf dövründə, qonşularımızın sivil dünyaya inteqrasiya etdiyi bir məqamda biz hətta yerimizdə saymadan sürətlə geriyə getməkdəyik. Dövlət maraqlarımızı təhdid edən bu siyasət böhranın daha da dərinləşməsinə, vətəndaş qarşıdurmasının sərtləşməsinə yönəlib. Azərbaycan cəmiyyəti bu siyasəti durdurmaq üçün səfərbər olunmalıdır".(arqument.az)
