ABŞ-ın 7 müsəlman ölkəsinin vətəndaşlarına qoyduğu viza qadağasına İran prezidenti Həsən Ruhani sərt reaksiya verib.
Musavat.com xarici KİV-lərə istinadən xəbər verir ki, paytaxt Tehranda çıxış edən Ruhani, Donald Trampın dünyadan xəbərsiz olduğunu deyib.
Məlumata görə, H.Ruhani rəsmi Vaşinqtonu İran xalqına qarşı ikiüzlü olmaqda ittiham edib:"Fərqli bir aləmin nümayəndəsi siyasət aləminə gəlib. Bu sahə onun üçün yenidir. Özünün və ətrafındakıların dünyada nələr baş verdiyini anlaması vaxt aparacaq. Bu müddət ərzində də həm öz xalqına, həm də başqa xalqlara zərər verə bilər. ABŞ hökuməti illərdir ki, İran dövlətinə qarşı olsa da, İran xalqının dostu olduğunu iddia edib. İllərdir ki, ABŞ-ın başındakılar pərdə önündə və axrasında fərqli şeylər danışıblar. Lakin bu yeni gələn şəxs (Tramp) xüsusi biri olduğu üçün bu pərdə düşdü və ikiüzlülükləri ortaya çıxdı”.