Yanvarın 16-da Bakı Ağır Cinayətlər Məhkəməsi qanunsuz narkotik dövriyyəsində ittiham olunan NİDA Vətəndaş Hərəkatının fəalı Elgiz Qəhrəmanlının 5 il 6 ay azadlıqdan məhrum edilməsi barədə hökm çıxarıb, – "Amerikanın səsi” məlumat verir.
Prokuror fəala 6 il həbs istəmişdi.
Elgiz Qəhrəmanlı 2016-cı il avqustun 12-də saxlanılıb və həmin gün onun barəsində Cinayət Məcəlləsinin 234.4.3-cü (külli miqdarda narkotik maddənin qanunsuz dövriyyəsi) maddəsi ilə həbs qəti imkan tədbiri seçilib.
Qəhrəmanlı ittihamı qəbul etmir və həbsinin fəaliyyəti ilə bağlı olduğunu bildirib.
Qəhrəmanlının həmfikirlərinin dediyinə görə, o facebook-da prezident İlham Əliyevin oğlunun Şah İsmayılla müqayisəsinə istehza əks olunan statusundan sonra saxlanılıb.
Vəkillər ittihamın məhkəmədə sübuta yetirilmədiyini bildirib.
