"Sağlam Həyat” cəmiyyətinin təşəbbüsü, Yeni Azərbaycan Partiyasının 9-cu mkr Gənclər Təşkilatı , "Uşaq və Yeniyetmələrə Dəstək" İctimai Birliyi və onun nəzdində fəaliyyət göstərən "Anacan.az” ailə portalının təşkilatçılığı ilə uşaq və yeniyetmələr arasında Milli rəqs, Rəsm, Gimnastika, Şahmat, Basketbol və Universal Döyüş üzrə dekabr ayının 18-dən etibarən silsilə dərəcə imtahanları keçirilmişdir. Yekun tədbiri giriş sözü ilə açan Cəmiyyətin direktoru Samir Hüseynov bu kimi tədbirlərin uşaqların həyatına bəxş etdiyi təsirindən danışaraq sözüTural Əliyev, Fərhad Abdulova və digərlərinə verib.
İmtahanlar zamanı 235 uşaq müvafiq sahə üzrə öz istedad və bacarığını nümayiş etdirərək həvəsləndirici diplom və medallarla, həmçinin milli rəqs müəllimi Musa İsmayılov, Aidə İsmayılova, Qönçə Orucova, Naimə Cəfərova və Cəmiyyətin digər işçiləri Gülnar Hüseynova, Səbinə Ağayeva da uşaqlara göstərdiyi xidmətlərə görə Fəxri Fərman ilə təltif olunublar.
Bununla yanaşı uşaq və yeniyetmələrin asudə vaxtlarınının səmərəli keçirilməsini, onların fiziki və mənəvi sağlam vətəndaş kimi formalaşmasını təmin edən hər bir uşağın valideyni də bu kimi təşəbbüslərinin artırılması məqsədilə təşkilatçılar tərəfindən Təşəkkürnamə ilə təltif olunublar.
Yekun təltifetmə mərasimində Şaxta baba və Qarqız uşaqları əyləndirərək müxtəlif estafet oyunları və şən startlar keçiriblər.
