İstanbulda "Reina" gecə klubunda terror aktı törətdiyi güman edilən Qırğızıstan vətəndaşı Yahya Maşrapovla bağlı yeni iddia ortaya atılıb.
Ölkə.Az xəbər verir ki, Yahya Maşrapovun hazırda Qırğızıstanda olduğu bəlli olub.
Qırğızıstanın "Turmuş" xəbər agentliyinə danışan Yahya Maşrapov bildirib ki, onu İstanbulda Atatürk Hava Limanında saxlayıblar.
"İstanbulda həbs olundum. Məni hansısa terrorçuya bənzətdilər. Bir saatlıq sorğudan sonra üzr istəyərək buraxdılar".
Yahya Maşrapov 2011-ci ildən bəri Türkiyədə ticarətlə məşğul olduğunu və heç bir terror törətmədiyini deyib.
