Privolsk Federal əyalətinin rəsmisi Mixail Babiçin Türkiyəyə səfir təyin edilməsi ilə bağlı yayılan xəbərlər doğru deyil.
Axar.az xəbər verir ki, bu sözləri Kreml sözçüsü Dmitri Peskov jurnalistlərə açıqlamasında deyib.
Qeyd edək ki, Rusiyanın "Dojd” telekanalı Kremldəki mənbələrə istinadən yaydığı məlumatda Babiçin Türkiyəyə səfir təyin ediləcəyi ehtimalını irəli sürmüşdü.
Xatırladaq ki, sözügedən şəxs iyulun ayının sonlarında Ukraynaya səfir təyin edilsə də, rəsmi Kiyev Krım məsələsi səbəbindən onu "arzuolunmaz şəxs" elan edərək akreditəsindən imtina etmişdi.
Babiç SSRİ Dövlət Təhlükəsizlik Komitəsinin keçmiş işçisidir. O, bundan öncə "Antey" dövlət korporasiyası və Federal Təhlükəsizlik Xidmətinin tərkibindəki Sərhəd Xidmətinin sədr müavini olub. Babiç həmçinin 2003-2011-ci illər Rusiya Dumasının deputatı kimi fəaliyyət göstərib.