Rusiya Xarici İşlər Nazirliyi vəzifəsi ilə vidalaşmağa hazırlaşan ABŞ Prezidenti Barak Obamanı dünya siyasət qaydalarını pozmaqda günahlandırıb.
XİN-in fikrincə, Suriyada müxaliflərə silah göndərilməsini təsdiq edən Obama Tramp vəzifəyə keçənə qədər dünyada baş verən prosesləri qarışdırmaq istəyir.
Axar.az xəbər verir ki, Obamanın Suriya siyasətini kəskin tənqid edən nazirlik rəsmi Vaşinqtonun bu yolla Yaxın Şərqi müharibəyə bir az da sürüklədiyini bildirib.
Xatırladaq ki, Obama bu ayın əvvəlində Suriyada müxaliflərə edilən yardımla bağlı bəzi qadağaları ləğv edib.
