Ötən gün deputat Astan Şahverdiyev mətbuata açıqlamasında Biləsuvarda məskunlaşan köçkünlərlə və Rusiyaya işləməyə gedən azərbaycanlılarla bağlı təhqiramiz ifadələr işlədib, onları "otxod” adlandırıb.

Bunun fonunda artıq iki gündür ki, etirazlara səbəb olan aşıqlamanın ardından deputat üzr istəyib, dediklərinə görə peşman olduğunu dilə gətirib. Amma bu etiraflar ona millət vəkili kimi məsuliyyətdən yaxa qurtarmasına imkan verməməlidir.

Bizimxeber.az-a daxil olan məlumata görə, yuxarı dairələrdə açıqlama olduqca ciddi müzakirə mövzusudur. Məlum gərginlik dövründə deputatın bu açıqlaması məcburi köçkünləri, Rusiyadakı Azərbaycanlı iş adamlarını, hətta milyarderləri hökümətdən narazı salma əməli qiymətləndirilə bilər.

Məlumata görə, Astan Şahverdiyev bu gün Milli Məclisə çağırılıb, ondan izahat alınıb. Həmçinin yaxın günlərdə intizam komisiyasında onun açıqlaması incələnəcək və lazımı tədbirlər görüləcək. Daha bir mənbə isə artıq onun deputat mandatının əlindən alındığını iddia edir.

Bizimxeber.az-a daxil olan məlumatda qeyd olunur ki, Astan Şahverdiyevə heç bir xəbərdarlıq edilmədən mandatı əlindən alınıb, ondan xalqdan üzr istəməsi tələb olunub.

Ümumiyyətlə, yuxarı instansiyada xalqın təhqir olunması kimi məqamlara ciddi yanaşıldığını deyən mənbə əlavə edir ki, Astan Şahverdiyevin açıqlamasında cinayət tərkibi var.

Adil