39 saylı Kəpəz
birinci (Gəncə) seçki dairəsinin seçiciləri bərk narahatdır. Onlar deyirlər ki,
deputat Xanlar Fətiyevdən səs-səmir gəlmir.
Seçicilər nigarandırlar ki, millət vəkili işıq-qaz pulunu ödəməyə, bayramqabağı
bazarlıq etməyə imkan tapırmı ya yox.
Bu barədə
Politika.Az-a yazan seçicilər qeyd edirlər. Onların sözlərinə görə, X.Fətiyevin biznes fəaliyyəti
seçicilərlə maraqlanmağa imkan vermir. Gəncə sakinləri bildirirlər ki, deputat əhalinin
yox, biznesinin vəkilidir.
O, 1994-1997-ci illərdə "Elruz” kiçik müəssisəsində
sədr, 1997-2003-cü illərdə "Avestas” firmasının baş direktoru, 2003-2004-cü illərdə
"Aznur” MMC-nin baş direktoru vəzifələrində çalışıb.
2004-cü ildən bu günə kimi isə "Gəncə Avtomobil
Zavodu” İstehsalat Birliyinin Müşahidə Şurasının sədri vəzifəsində işləyir. 39
saylı Kəpəz birinci (Gəncə) Seçki Dairəsindən Milli Məclisə deputat seçilib.
Milli Məclisin təhlükəsizlik və müdafiə komitəsinin üzvüdür.
Xanlar Fətiyevin Gəncə şəhəri ilə yanaşı, Bakıda
da biznes şəbəkəsi yarada bilib. Belə ki, onun paytaxtın Yasamal rayonunda bir
neçə iri biznes obyekti var.
Deputat olduğu müddətdə Bakıda özünə iri biznes
strukturları qurmağa müvəffəq olan deputatın Yasamal və Nəsimi rayonlarında bir
neçə apteki və digər obyektləri fəaliyyət göstərir.
Politika.Az
xəbər verir ki, Fətiyevin
deputat olduğu bu müddət ərzində bircə dəfə olsun parlamentin iclaslarında
çıxış etməməsi seşçiciləri tərəfindən həmişə qınaqla qarşılanıb. Maraqlıdır,
görəsən, deputat niyə danışmır?
Məgər, onun mətbuat vasitəsilə seçicilərinə,
ictimaiyyətə, geniş auditoriyaya deyəcək sözü yoxdurmu? Yoxdur, çünki deputatı
seçicilərinin problemi deyil, sahib olduğu milyonların gələcək taleyi
düşündürür.
Mətbuatda isə Fətiyevin bir neçə açıqlamasına rast
gəlmək olar ki, bu da "Gəncə Avtomobil Zavodu” İstehsalat Birliyi və "Kəpəz”
futbol klubu ilə bağlıdır.
Bu məsələ onun üçün daha çox önəm daşıyır. Ona görə
də biznesinin və əldə etdiyi milyonların gələcək taleyi onu daha çox narahat
edir.
Xanlar Fətiyevin daha bir "keyfiyyəti” Kür
çayından Gəncə Avtomobil Zavoduna, eləcə də Avtomobilçilər qəsəbəsinə gələn 10
kilometrlərlə iri diametrli dəmir boruların satılaraq mənimsənilməsi zamanı üzə
çıxıb.
Amma Gəncə Avtomobil Zavodu bu günə kimi ayrılan
külli miqdarda investisiyaya baxmayaraq, müəssisə müstəqil olaraq heç bir maşın
növü istehsal edə bilməyib.
Ötən il ərzində zavodda 1000-ci traktor konveyerdən
çıxsa da, "Aqrolizinq” ASC ilə aralarında bağlanmış 35 milyon manatlıq dəyərində
500 ədəd traktorun qiymətlərini süni olaraq şişirtməklə 10 milyondan çox vəsaitin
mənimsənildiyi iddia olunur.
Ulu Yol Xəbər portalı » Cəmiyyət » Seçicilər milyonlarının vəkili olan deputatı axtarır: Xanlar Fətiyev hardadır?
Xəbər lentİ
Yazarlar
Müstəmləkə cinayətlərinə rəğmən müstəqillik əzmini itirməyən Əlcəzair - TƏHLİL
/
1-11-2022, 21:12
/