ABŞ Mərkəzi Kəşfiyyat İdarəsi (MKİ) və Milli Təhlükəsizlik Agentliyinin (MTA) sabiq əməkdaşı Edvard Snouden öz fəaliyyəti ilə Pentaqona bir sıra böyük təhdid yaradıb.
APA-nın "RİA Novosti”yə istinadən verdiyi xəbərə görə, bu barədə Nümayəndələr Palatasının Kəşfiyyat Komitəsinin hesabatında bildirilir.
"Müdafiə Nazirliyi potensial ziyanı müəyyən etmək üçün ehtiyat məqsədilə Snoudenin əldə etdiyi 1,5 mln. sənədi təhlil edib. Sənədlərin təhlili 2016-cı ilin iyun ayı tarixinə 13 yüksək riskli məsələ müəyyən edib”, - deyə hesabatda bildirilir.
