"Beşiktaş"ın yarımmüdafiəçisi Atiba Hatçinson Kanadada "İlin futbolçusu" seçilib.
Musavat.com Türkiyə KİV-lərinə istinadən xəbər verir ki, 33 yaşlı futbolçu ölkəsinin idman jurnalistləri və məşqçilərinin səsi əsasında bu mükafata layiq görülüb.
"Qara qartallar"ın heyətinə 2013-cü ildə "PSV Eindhoven"dən qoşulan Hatçinson bu mövsüm bütün turnirlərdə 19 oyun keçirib. Atiba karyerasında 5-ci dəfə (2010, 2012, 2014, 2015) ölkəsinin ən yaxşısı seçilib. O, ardıcıl 3-cü dəfədir bu mükafata sahib olub.
